Ku batuye mu Mujyi wa Rwamagana gukora siporo bigenda biba umuco, aho muri iki gitondo hakozwe siporo rusange, yari ifite insanganyamatsiko igira iti: “Dukore siporo twirinda ingengabitekerezo ya Jenoside”.
Akenshi buri cyumweru kuva saa 6:00 za mu gitondo baba bayitangiye, ku rwego rw’Akarere igakorwa ku cyumweru cya mbere cy’ukwezi n’icya 3.
Aha kandi haba amatsinda yashishikariye gukora siporo rusange aho bakora kuwa 2 no kwa 4 guhera saa 5:30 no ku cyumweru.
Mu Mujyi wa Rwamagana abitabiriye siporo rusange yo kuri iki cyumweru tariki 24 Werurwe, ‘nyuma y’imyitozo ngororamubiri bagejejweho ubutumwa bwo kubungabunga umutekano, kwirinda no kurwanya ibyaha kandi bakagira uruhare mu gusigasira ubumwe bw’Abanyarwanda; barwanya ingengabitekerezo ya Jenoside n’ibindi byasubiza inyuma iterambere ry’u Rwanda.
