Mu Karere ka Kirehe mu Ntara y’Uburasirazuba hatangiye irushanwa ngaruka mwaka rya volleyball “Kirehe Open” rihuza amakipe y’ababigize umwuga, Abato ndetse n’abakanyujijeho, amakipe arimo APR VC, Kirehe VC na REG atangirana intsinzi.
Iri rushanwa ribaye ku nshuro ya kane ryatangiye Ku wa Gatanu, tariki 2 Ukwakira 2026 rizasozwa ku wa 4 Ukwakira 2026.
Ku ikubitiro ku munsi waryo wa mbere kuri uyu wa Gatanu mu bagabo, umukino wabanje wahuje Kirehe VC na APR VC warangiye ikipe ya APR VC itsinze Kirehe VC amaseti atatu kuri abiri ya Kirehe VC.(20-25, 25-20, 25-22, 20-25, 15-7).
Umukino wa Kabiri wahuje Gisagara VC na APR VC warangiye APR VC itsinze amaseti atatu kuri imwe( 25-19, 25-23-22-25,29-25).
Undi mikino wabaye ni uwo Kirehe VC yatsinze Gisagara VC amaseti atatu ku busa (25-17, 25-21, 25-22).
Mu masaaha y’ijoro ikipe ya REG VC yatsinze EAUR amaseti atatu kuri imwe (25-16, 25-19, 24-26, 25-23).
Umukino wasoje umunsi wa Mbere w’irushanwa rya Kirehe Open volleyball Tournament wasize Police VC itsinze EAUR amaseti atatu ku busa.
Umukino wari gusoza uyu munsi uhuza Polisi VC na REG VC wasubitswe ushyirwa ku wa 2 Ukwakira 2026 ku isaha ya Saa Tatu n’igice za mugitondo.
Imikino yo muri iri rushanwa iri kubera mu nzu nshya y’imikino n’imyidagaduro- Kirehe Gymnasium ifite ubushishozi bwo kwakira abantu 1000 bicaye, yubatse ku buryo yakira imikino haba ku manywa cyangwa nijoro.
