Komisiyo y’Igihugu y’Amatora-NEC yatangaje ibyavuye matora mu buryo bw’agateganyo mu byiciro byihariye mu bagore, abafite ubumuga n’urubyiruko aho, abarimo Kanyange Phoebe mu bagore, Umuhoza Vanessa Gashumba mu rubyiruko na Mbabazi Olive mu bafite ubumuga; batsinze.
Ibi byatangajwe n’Umuyobozi wa NEC Gasinzigwa Oda, kuri uyu wa Kane, tariki ya 18 Nyakanga 2024, ubwo yagezaga ku Banyarwanda ibyavuye mu matora ya Perezida wa Repubulika n’Abadepite mu buryo bw’agateganyo.
Ku cyiciro cy’abagore yatangaje ko Kanyange Phoebe na Gihana Donatha bo mu mujyi wa Kigali batsinze, mu Ntara y’Amajyaruguru hatsinze, Uwamurera Olive, Mukarusagara Eliane, Ndagiza Madine, Izere Engrid Marie Parfaite.
Mu Ntara y’Amajyepfo, abatsinze barimo: Tumushime Francine, Uwumuremyi Marie Claire, Uwababyeyi Jeannette, Kayitesi Sarah, Mukabarisa Germaine na Tumukunde Gasatura Hope.
Mu Ntara y’Iburasirazuba, abatsinze harimo: Kazarwa Gertrude, Mushimiyimana Lydie, Kanyandekwe Christine, Mukamana Alphonsine, Uwingabire Solange, Mukarugizwa Judith.
Naho, mu Ntara Iburengerazuba abatsinze harimo: Ingabire Aline, Mukandekezi Francoise, Nyirabazayire Angelique, Muzana Alice, Sibobugingo Gloriose, Uwamurera Salamu.
Ku cyiciro cy’urubyiruko, abatsinze ni Umuhoza Vanessa Gashumba na Icyitegetse Venuste.
Ku cyiciro cy’umudepite uhagarariye abantu bafite ubumuga ni Mbabazi Olivia.
NEC yibukije ko bitarenze tariki 27 Nyakanga 2024, hazatangazwa ibyavuye mu matora ya Perezida wa Repubulika n’ay’abadepite mu buryo bwa burundu.
