Ikipe ya Gisagara VC na REG VC zitwaye neza ku munsi wa kabiri wa Shampiyona y’Igihugu ya Volleyball mu cyiciro cya mbere cy’abagabo, nyuma yo gutsinda abo bahanganye amaseti 3-0 mu mikino yabereye muri Kirehe Gymnasium kuri iki Cyumweru, tariki ya 25 Ukwakira 2026.
Gisagara VC yatsinze RP Ngoma VC amaseti 3-0, mu mukino warangiye ari amanota 25-23, 25-13 na 25-17.
REG VC na yo yatsinze Kigali Volleyball Club (KVC) amaseti 3-0, mu mukino utari woroshye, cyane cyane mu seti ya kabiri yarangiye REG VC iyitsinze ku manota 27-25. Andi maseti yayatsinze ku manota 25-13 na 25-23.
Mu wundi mukino, Police VC yahuye na EAU Rwanda, aho umukino warangiye Police VC itsinze amaseti atatu kuri rimwe(25-22, 25-22, 25-27, 25-22.)
Umukino wasoje imikino y’umunsi yahuje APR VC na Kirehe VC. APR VC yatsinze ikipe yakiriye iyo mikino amaseti 3-0, ku manota 25-23, 27-25 na 25-14.
Iyi mikino ni imwe mu ikomeje muri Shampiyona y’Igihugu ya Volleyball mu cyiciro cya mbere, aho amakipe akomeje guhatanira amanota azayafasha mu rugendo rwo gushaka igikombe cya shampiyona.
