Umusore witwa Bizimana Jean Paul w’imyaka 22 wari utuye mu Murenge wa Kibungo, Akarere ka Ngoma yapfuye nyuma yo kuvugwa ko yateranye ibyuma n’umukobwa bari inshuti bapfa kutumvikana ku gukora imibonano mpuzabitsina.
Kuri uyu wa mbere nibwo MUHAZIYACU yabagejejeho inkuru y’ Umusore n’umukobwa bajyanwe mu bitaro nyuma yo guterana ibyuma bapfa imibonano mpuzabitsina
Amakuru avuga ko uyu mukobwa ubu ukiri kwitabwaho n’abaganga avuga ko umusore ari we wamuteye icyuma, mu gihe Bizimana Jean Paul na we mbere y’uko apfa ngo yavugaga ko umukobwa ari we wabanje kumutera icyuma.
Ejo hashize bombi bahise bajyanwa kwa muganga bavirirana amaraso; nyuma yo gukomeretsanya.
Kuri uyu wa Kabiri Umuyobozi w’Ibitaro bikuru bya Kibungo Dr. Gahima John yabwiye Radio IZUBA ko mu ijoro ryakeye uyu Bizimana Jean Paul ubwo yagezwaga kuri ibi bitaro yahawe ubufasha bwose bwo kuvurwa ariko bikanga, akitaba Imana ahagana saa mbili z’ijoro; kuko ngo yari yavuye amaraso menshi.
