Tariki ya 21 Gashyantare hizihijwe Umunsi Mpuzamahanga w’Ururimi Kavukire. Uyu munsi ku rwego rw’igihugu wizihirijwe mu Karere ka Kirehe mu rwego rwo guha agaciro ururimi shami ruhavugirwa rwitwa Ikirashi.
Umukecuru witwa Nyiramatabaro Mariana agaragara abyinana n’abandi indirimbo y’Ikirashi.
Uyu mukecuru uzi no gucuranga umuziki gakondo wabo, abarizwa mu itorero rigizwe n’Abarashi 25 ryitwa “Indangamuco z’Igisaka Migongo”, ribarizwa i Nyakabungo mu Murenge wa Mpanga.
Mu ifoto kandi hagaragaramo umuhanzi Senderi International Hit, ukomoka mu gace kavugwamo uru rurimi, afite indangururamajwi, aririmba indirimbo yafatanyije n’Intore Tuyisenge yitwa “Ikirashi”.
Ushobora kubona video irambuye yibanda kuri uru rurimi na bimwe mu bihangano by’abavuga uru rurimi, ukanze kuri iyi link: IKIRASHI N’ABARASHI: Abahanzi, Meya n’abandi baravuga mu rurimi rwo mu Rwanda benshi batazi
