Mu myanzuro y’inama y’Abaminisitiri yo kuri uyu wa 21 Nzeri, harimo ko utubari tuzafungura mu byiciro, amasaha ntarengwa y’ingendo mu Mujyi wa Kigali agezwa saa tanu z’ijoro na saa tatu z’ijoro mu Gihugu hose, ukuyemo uturere twa Karongi, Gicumbi, Nyagatare, Ngoma na Kirehe ingendo zagumye kuri saa mbili z’ijoro.
Iri tangazo ryashyizweho umukono na Minisitiri w’Intebe rivuga ko ingamba zashyizweho mu rwego rwo gukumira Icyorezo cya Covid-19 zigomba gushyirwa mu bikorwa mu Gihugu hose guhera tariki 23 Nzeri, kugeza ku ya 13 Ukwakira 2021.
Muri iri tangazo harimo ko amasaha ntarengwa y’ingendo yagejejwe saa 11:00 z’ijoro i Kigali na 9:00 z’ijoro ahandi hose mu Gihugu;
Icyakora ko mu turere twa Karongi, Gicumbi, Ngoma, Kirehe na Nyagatare dufite imibare y’abandura Covid-19 iri hejuru kurusha ahandi, ingendo zibujijwe guhera saa 8:00 z’ijoro; kugeza saa 4:00 za mugitondo.
Mu gihe utubari twari twarafunzwe kuva Covid-19 yagera mu Rwanda muri Werurwe 2020, muri iyi nama hafashwe umwanzuro i, ugira uti:” Utubari tuzafungura mu byiciro,”
Icyakora ko amabwiriza arambuye kuri iyi ngingo azatangwa na Minisiteri ishinzwe ubucuruzi hamwe n’Ikigo cy’Igihugu cy’Iterambere-RDB.
Mu zindi mpinduka zagaragaye mu byemezo by’inama y’Abaminisitiri yo kuri uyu wa Kabiri tariki 21 Nzeri, harimo ko imihango y’ubukwe harimo gusaba, ishyingirwa rikorewe imbere y’ubuyobozi bwa Leta n’irikorewe mu nsengero byemewe. Ibirori bibera mu ngo bikaba bitagomba kwitabirwa n’abantu barenze 50, kandi bikabanza kumenyeshwa Ubuyobozi bw’Inzego z’ibanze.”
Abitabiriye iyo mihango kandi bakaba bagomba kwerekana ko bipimishije Covid-19 mu masaha 72 mbere y’ibyo bikorwa; bakanubahiriza andi mabwiriza yashyiriweho kwirinda iki cyorezo.
Ibindi bikubiye mu myanzuro y’iyi nama y’Abaminisitiri mushobora kubisoma munyuze hano
Itangazo ry'Ibyemezo by'Inama y'Abaminisitiri yo ku wa 21 Nzeri 2021 pic.twitter.com/WyZIFvKonB
— Office of the PM | Rwanda (@PrimatureRwanda) September 21, 2021
— Office of the PM | Rwanda (@PrimatureRwanda) September 21, 2021
