Ku munsi wa kabiri w’isiganwa ry’amagare rya Kirehe Race kuri iki cyumweru, abasiganwa mu byiciro byose bazengurutse imbere muri aka Karere, ari nabwo ryashojwe hakamenyekana abaryegukanye muri rusange.
Ryatangiye ejo hashyize ku wa Gatandatu,
Imigendekere y’isiganwa ry’amagare ‘Kirehe Race’, umunsi wa mbere(Amafoto)
Kuri iki cyumweru, nk’uko byari biteganyijwe mu rwego guteza imbere no kugaragaza impano nshya mu mukino w’amagare mu Karere ka Kirehe, abakinnyi bagera kuri 95 barimo abakobwa batatu, bo mu mirenge 12 igize aka karere, nibo batangiye baziganwa bakoresheje amagare asanzwe azwi nka ‘Matabaro’.
Abo muri iki cyiciro bahagurutse saa 8:40 bazenguruka inshuro eshatu, kuva ku Karere, bakamanuka Rutonde bagakatira ku kazu k’amazi, bagakatira imbere ya East Gate Hotel bakazamuka bagaruka ku Karere; bakora urugendo rw’ibirometero 11.7.
Iki cyiciro cyashojwe Mukabikorimana Leatitia w’imyaka 20(mu bakobwa) na Nsabimana Athanase w’imyaka 23 aribo batsinze ari aba mbere.
Hakurikiyeho gusiganwa mu cyiciro cy’ababigize
Nubwo hagwaga imvura nyinshi, isiganwa ryo ryakomeje riraba rirarangira.
Mu isiganwa ry’ababigize umwuga’ y’Abangavu[Abakobwa batarengeje imyaka 19] basiganywe bazenguruka inshuro eshanu muri ya nzira yo kuva ku Karere-Rutonde-East Gate Hotel- ku Karere; barakora urugendo rw’ibirometero 19.5.
Abangavu batatu ba mbere batsinze bakanabihemberwa ni:
1. Uwiringiyimana Liliane(Friends of Nature Cycling Team )
2 Umutoni Sandrine(Bugesera Cycling Club)
3.Iragena Charlotte(Ndabaga W)
Ikipe y’Ingimbi[Abahungu batarengeje imyaka 19]n’iy’abakobwa basiganwa barabigize umwuga basiganwe bazenguruka muri ya nzira inshuro 8, bakora urugendo rureshya n’ibirometero 31.2.
Abatsinze muri ibi byiciro nababihembewe ni
Mu ngimbi[Men Juniors] batatu ba mbere ni:
1. Tuyipfukamire Aphrodis
2.Twagirayezu Didier
3.Manizabayo Jean de Dieu
Mu bakobwa bakuru[Women Elite]
1. Ingabire Diane
2. Nirere Xaveline
3. Mwamikazi Djazila
Ikipe y’abagabo n’abasore[U23] basiganwa babigize umwuga, nabo bahagurutse ku Karere ka Kirehe berekeza ku mupaka wa Rusumo, bagaruka ku Karere, bakomerezaho nabo bazenguruka muri ya nzira [Kuva ku Karere, bakamanuka Rutonde bagakatira ku kazu k’amazi, bagakatira imbere ya East Gate Hotel bakazamuka bagaruka ku Karere] ; urugendo rureshya n’ibirometero 69.5.
Mu cyiciro cy’abagabo(Men Elite) batatu ba mbere begukanye Etape y’uyu munsi ni:
1.Niyonkuru Samuel
2.Nzafashwanayo Jean Claude
3.Gahemba Bernabe
Mu bahungu batarengeje imyaka 23[ Men U23] hatsinze:
1.Muhoza Eric
2.Ngendahayo Jeremie
3.Niyomugabo Jean Claude
Nyuma y’uko hamenyekanye abatsinze muri buri cyiciro ku munsi wa kabiri, hahembwe batatu ba mbere muri buri cyiciro, ku batsinze Etape z’uyu munsi n’abatsinze ejo hashize; hanyuma hatangazwa hanahembwa muri rusange abatsinze Kirehe Race nyuma yo guteranya ibihe abasiganwe bagize muri iyo minsi yombi iri siganwa ryamaze.
Muri Men Elite Niyonkuru Samuel ni we wegukanye Etape y’uyu munsi
Mu birometero bitanu bya nyuma, ni we Niyonkuru Samuel ni we ukiyoboye, mu gihe asiga abari hafi ye ho umunota 1 n’amasegonda 20, naho Peloton yo yayisizeho iminota 3.
Mu birometero 10 bya nyuma, Niyonkuru Samuel ni we ukiyoboye isiganwa.
Mu gihe hasigaye kuzenguruka 2, Niyonkuru Samuel ni we uyoboye isiganwa, akurikiwe hafi na Mugisha Moïse
Hasigaye Km 38 ikipe iyoboye iy’abagabo isigayemo abakinnyi band Mugisha Moise, Tuyizere Etienne, Niyonkuru Samuel na Nzafashwanayo Jimmy.
Mu bakobwa Uwiringiyimana Liliane ni we wongeye kwanikira bagenzi be b’abangavu nk’uko na etape y’ejo ya Kayonza-Kirehe ari we wayegukanye.
Ku Rusumo: Mu gukata bagaruka umukinnyi wambaye Dossard 69 yaguye ahaguruka ikipe iyoboye isiganwa imaze gukata yose, gusa arihangana arakomeza.
Abarekeje ku Rusumo mu ikipe iyoboye harimo Samuel Niyonkuru, Tuyizere Etienne, Gahemba Bernabé, Mugisha Moise, ARERUYA Joseph, Nzafashwanayo Jean Claude, Masengesho Vainqueur.
