Guverineri w’Intara y’Iburasirazuba CG Gasana Emmanuel yanenze abayobozi b’inzego z’ibanze mu Karere ka Ngoma batesa umuhigo wa mituweli, barimo abanyamabanga nshingwabikorwa b’imirenge, avuga ko kugira ngo mituweri yishyurwe n’abaturage harimo uruhare rw’ubukangurambaga bw’ubuyobozi.
Ubwo bari mu nama yo gukangurira abayobozi kurushaho gusobabukirwa n’inshingano zabo, ubwo hagarukwaga kuri gahunda y’ubwisungane mu kwivuza- Mituweri, yanenze abanyamabanga nshingwabikorwa b’imirenge ko bakiri inyuma mu bwitabire mu mirenge yabo, abasaba kugira umuhate wo kwesa imihigo, hakibandwa ku muhigo wa mituweli.
Guverineri w’Intara y’iburusirazuba CG Gasana K. Emmanuel yabanje kubaza umurenge uri imbere wa Sake n’abagitifu b’utugari, abasaba gusobanura impamvu bakiri ku kigero cya 80 ku ijana.
Ibi byatumye harebwa n’umurenge uri inyuma ari wo wa Rukumberi aho hari akagari 50% by’abaturage 50 ari bo bonyine bamaze gutanga mituweli.
Nyuma yaho CG Gasana yasabye ba Gitifu b’imirenge bose kujya imbere bakisobanura, aho yakomeje agira ati: “Nkubu mutekereza ku baturage mushinzwe? Mwarabaretse se ngo bazivuze bate? Ni mwe mukwiye kwegera abo baturage kugira ngo bishyure mituweli.”
Nyuma yo kunengwa dore ko hari abasabwe gusohoka bakajya kubiganiraho, ndetse banafata imyanzuro y’icyo bagiye gukora nkuko bivugwa na Kamukozi Ismail, Umunyamabanga Nshingwabikorwa w’Akagari ka k’Akagarama mu Murenge wa Rurenge; avuga ko hari imbaraga bagiye gushyira muri mituweli, akagari ke kageze kuri 78. Ati: “Ngiye kwegera abaturage mbagereho mu midugudu kugirango imibare yiyongere.”
