Abanyarwamagana barasabwa kurushaho gukunda siporo no kuyigira umuco kuko ituma umuntu agira ubuzima bwiza.
Mugitondo cyo kuri uyu wa 19 Ukwakira, ubuyobozi bw’akarere bwifatanyije n’abaturage bo mu mujyi wa Rwamagana no mu nkengero zawo kuri siporo rusange yari igamije kwibutsa abaturage ko badakwiye kudohoka kuyikora kandi bakibuka ko siporo ari ubuzima.
Umuyobozi w’Akarere ka Rwamagana wungirije ushinzwe iterambere ry’ubukungu Kagabo Rwamunono Richards na we witabiroye iyi siporo yibukije abanyarwamagana ko siporo ari ubuzima kandi nk’uko babigize umuco bakwiye gukomeza gukunda no gukangurira bagenzi babo kwitabira siporo.
Mu mujyi wa Rwamagana hari amatsinda menshi akora siporo mu buryo butari ubw’umwuga ahubwo yihuje kugira ngo barusheho kugira ubuzima bwiza, usibye ku munsi wo ku cyumweru, aya matsinda kandi akora siporo ku wa kabiri no kwa kwa kane, hakaba n’abantu ku giti cyabo bakora buri munsi haba mugitondo no ku mugoroba ndetse n’abajya mu nzu zabugenewe zo gukoreramo siporo.
