Kuri uyu wa Gatandatu, tariki ya mbere Gashyantare, mu mirenge yose mu gihugu hizihijwe Umunsi w’Intwari z’u Rwanda ku nshuro ya 26, insanganyamatsiko yagiraga iti: “Ubutwari mu Banyarwanda, Agaciro Kacu.”
Turabasangiza amafoto y’uko byari byifashe mu Ntara y’Iburasirazuba. Aya mafoto niyo dukesha buri karere.
Bugesera
Umunsi w’Intwari ku rwego rw’Akarere ka Bugesera wizihirije mu Murenge wa Shyara, intumwa ya rubanda Mukarugwiza Annoncita, Umuyobozi w’Akarere Mutabazi Richard na Maj. Butera Vincent, n’abandi bayobozi, nibo bifatanyije n’abaturage muri uyu murenge.
Ibirori byo kwizihiza umunsi w’intwari mu Murenge wa Shyara byashojwe no gutangiza amarushanwa Umurenge Kagame Cup.Umukino wahuje Umurenge wa Shyara n’umurenge wa Ngeruka.Umukino watangijwe ku mugaragaro na Depite Mukarugwiza Annonciata n’abandi bitabiriye ibirori.
Gatsibo
Ku rwego rw’Akarere ka Gatsibo, uyu munsi wizihirijwe mu Mudugudu w’Ishanti, mu Kagari ka Agakomeye mu Murenge wa Kiziguro.
Mbere y’ibirori, abaturage bapimwe indwara z’umwijima (Hepatite B&C).Abanyeshuri bo mu mashuri yisumbuye bitabiriye ibirori.
Rugigana Jean Baptiste wakuwe mu rwobo n’ingabo z’uRwanda, arashima ubutwari bw’Ingabo z’u Rwanda ko zabasubije ubuzima.Major Rutagambwa John, Umuyobozi w’ingabo mu Karere ka Gatsibo atanga ubutumwa ku munsi w’intwari.Gasana Richard, Umuyobozi w’Akarere ka Gatsibo atanga ubutumwa ku munsi w’intwari mu Mudugudu w’Ishanti mu Kagari ka Agakomeye, mu Murenge wa Kiziguro.
Kayonza
Mu Karere ka Kayonza, uyu munsi wizihirijwe mu Murenge wa Rukara.
Ababyeyi bahamirizaAbayobozi batandukanye, barimo ba visi meya babiri b’akarere, ubwo bitabiraga umunsi mukuru.
Umuyobozi wungirije ushinzwe iterambere ry’ubukungu mu Karere ka Kayonza, Munganyinka Hope, yagize ati: “N’ubwo hari byinshi tumaze kugeraho, hari n’ibindi dukwiriye gukomeza kunoza, abana tukabajyana ku ishuri bose bakiga, kugira isuku turwanya imvunja, n’ibindi bisubiza inyuma iterambere n’imibereho myiza tukabirwanya.”
Kirehe
Mu Karere ka Kirehe, umunsi w’Intwari z’igihugu ku nshuro ya 26 wizihirijwe mu mirenge yose, abayobozi ku Karere bifatanyije n’abatuye Umurenge wa Nyarubuye mu Kagari ka Nyarutunga.
Abana biga mu mashuri yisumbuye ni bamwe mu bizihije uyu munsi.
Umuyobozi w’Akarere Muzungu Gerald ageza ijambo ku bitabiriye.Umuhanzi Eric Senderi mu basusurukije imbaga.
Ngoma
Ubuyobozi bw’Akarere ka Ngoma bwifatanyije n’abatuye mu Murenge wa Gashanda mu kwizihiza uyu munsi.
Umuyobozi w’Akarere ka Ngoma, Nambaje Aphrodise, ageza ubutumwa ku bitabiriye ibirori.Abana bisanzuye barabyinaMeya Nambaje Aphrodise yasabye abaturage gukora ibikorwa byabo babisanisha n’ubutwari mu mirimo ya buri munsi aribyo ubuhinzi, ubworozi, uburezi, ubuzima, “kuko intwari ari iharanira gukora umurimo unoze no kurinda ibyagezweho.”
Nyagatare
Mu Karere ka Nyagatare, Umuyobozi w’Akarere Mushabe D. Claudian n’abamwungirije, abajyanama b’Akarere, abayobozi b’inzego z’umutekano zikorera mu karere n’abakozi b’Akarere bifatanyije n’abaturage b’Umurenge wa Karama, Akagari ka Kabuga mu birori byo kwizihiza umunsi w’intwari z’u Rwanda.
Abaturage b’i Karama babyinana n’abayobozi ku munsi mukuru w’intwari.Meya Mushabe yabwiye ab’i Karama ati: “Uyu munsi twizihiza intwari z’u Rwanda turishimira ko Karama mwegerejwe amasoko, amashuri, amavuriro muri buri kagari, imihanda, amashanyarazi n’ibindi. Uruhare rwacu ni urwo kubungabunga ibi bikorwa remezo no kubibyaza umusaruro, kuko icyo tubifuzaho ni iterambere.”Umuyobozi w’Akarere wungirije ushinzwe imibereho myiza y’abaturage yishimana n’abatuye i Karama.
Rwamagana
Ku Munsi w’Intwari z’u Rwanda, mu Karere ka Rwamagana, inzu 159 yashyikirijwe imiryango itishoboye. Izi nzu zubatswe ku bufatanye n’abaturage binyuze mu muganda.Izi nzu zanashyizwemo ibikoresho by’ibanze. Guverineri w’Intara y’Iburasirazuba, Mufulukye Fred, yifatanyije n’Akarere ka Rwamagana muri uyu munsi mukuru.Guverineri w’Intara y’Iburasirazuba Mufulukye FredMuri rusange, imbyino ya kinyarwanda iri mu byaranze ibirori hirya no hino.
