Inzego z’ibanze zifatanyije n’abaturage bo mu Murenge wa Munyaga mu Karere ka Rwamagana zabonye umurambo w’umusore witwa Mbarushimana Theogene w’imyaka 19 wari warohamye mu Kiyaga cya Mugesera ubwo yajyanagayo na bagenzi be.
Ku mugoroba wo kuwa gatandatu w’icyumweru gishize nibwo abasore batanu n’abakobwa bane bagiye kugorobereza mu rufunzo rw’Ikiyaga cya Mugesera, aho bavuga ko baganiraga nk’inshuti.
Umwe muri bo yaje kujya koga mu mazi mu masaha y’igicuku birangira aburiwe irengero, biba ngombwa ko abaturage n’ubuyobozi bw’inzego z’ibanze butangira kumushakisha.
Kuri ubu amakuru agezweho ni uko Nyakwigendera umurambo we wabonetse ukajyanwa kwa muganga gusuzumwa ndetse akanahita ashyingurwa.
Umunyamabanga Mshingwabikorwa w’Umurenge wa Munyaga, Mukashyaka Chantal yabwiye MUHAZIYACU ko umurambo wabonetse.
Mu butumwa bugufi yagize ati” Yego (umurambo wabonetse), wagejejwe ku bitaro urapimwa, waraye ushyinguwe.”
INKURU BIFITANYE ISANO WASOMA:
Hari gushakishwa umurambo w’umusore warohamye mu kiyaga cya Mugesera
