Ikipe ya Etoile de l’Est yo mu Karere ka Ngoma yabonye amanota atatu ya mbere muri shampiyona y’icyiciro cya mbere mu Rwanda nyuma yo gutsinda Etincelles ibitego 4-1.
Aya manota yabonetse mu mukino wa kane yakiniye kuri sitade ya Ngoma kuri uyu wa Gatatu tatiki ya 24 Ugushyingo 2021.
Iyi kipe yari iya nyuma aho yari imaze gutsindwa imikino itatu yikurikiranya, harimo uwa mbere batsinzwe na Police FC 3-0, uwa kabiri batsinzwe na Gicumbi FC 2-0 ndetse n’uwa gatatu batsinzwe na Musanze FC 3-2
Etoile de l’Est yagiye gukina na Etincelles abenshi mu bafana bayo bayifitiye icyizere aho bavugaga ko abakinnyi bayo batangiye guhuza ngo ku buryo bizeye ko intsinzi, nyuma yo gutsinda uyu mukino kuri ubu yahise ifata umwanya wa 10 muri shampiyona y’umupira w’amaguru n’amanota atatu.
Biteganyijwe ko kuwa Gatandatu iyi kipe izakina na Rayon sport mu munsi wa Gatanu wa shampiyona.
