Ikipe ya Étoile de l’Est yari ku kibuga cy’ayo i Kibungo yatsinzwe na Bugesera FC ibitego 3-0 mu mukino w’umunsi wa cyenda wa Shampiyona y’Icyiciro cya Mbere mu Rwanda, BK Pro League, wabaye kuri uyu wa 20 Ugushyingo 2026.
Uyu mukino wabereye mu Karere ka Ngoma aho warangiye Bugesera FC itsinze ibitego bitatu mu gice cya mbere, Étoile de l’Est inanirwa kubona igitego na kimwe mu minota 90 y’umukino.
Igitego cya mbere cya Bugesera FC cyatsinzwe na Jeremie Mumbere Mbusa ku munota wa 35, nyuma Prosper Rugangazi atsinda ibitego bibiri bikurikirana ku munota wa 39 n’uwa 41, bituma igice cya mbere kirangira Bugesera FC iyoboye umukino n’ibitego 3-0.
Mu gice cya kabiri, Étoile de l’Est yagerageje gukomeza gushaka uko yakwishyura ibitego yari yatsinzwe, ariko birangira idashoboye kubona igitego, umukino urangira itsinzwe ibitego 3-0.
Uyu mukino wasize ikipe ya Bugesera FC iri ku mwanya wa kane n’amanota 12, mu gihe Étoile de l’Est iri ku mwanya wa 15 n’amanota arindwi.








