Mu Murenge wa Munyiginya mu Kagari ka Nyarubuye mu Mudugudu wa Buyanja umwana w’imyaka icumi witwa Byiringiro Ezekiel yaguye muri Muhazi ubwo yajyaga kuvomayo amazi.
Ibi byabaye kumugoroba wo kuri uyu wa Gatatu mu masaha ya saa kumi nimwe n’igice. Amakuru agera kuri muhaziyacu.rw ni uko uyu mwana yajyanye na bagenzi be kuvoma kuri Muhazi kuko ibegereye agezeyo bakuramo Imyenda bajya kwidumbaguza mu minota mike abandi bana baba baramubuze bajya gutabaza.
Umunyamabanga Nshingwabikorwa w’umusigire w’umurenge wa Munyiginya Uwingeri Valens yabwiye muhaziyacu.rw ko uwo mwana yaguye muri Muhazi, ndetse ngo umurambo baracyari kuwushakisha.
Yagize ati: “Hari umwana tumenye mukanya gato ko arohamye muri Muhazi yarari koga ariko ngo yaragiye no kuvoma afite imyaka icumi ubu umurambo we uracyashakishwa.”
Uyu muyobozi yakomeje avuga ko abaturage bo muri uyu Mudugudu wa Buyanja basanzwe bavoma muri Muhazi ariko ngo bari barasabye ababyeyi bajya boherezayo abana bakuze kugira ngo barinde abana bato kuzagwa mu mazi.
Byiringiro Ezekiel w’imyaka icumi waguye mu mazi ni mwene Niyibizi Jean D’amour na Nyiramboneza Rebecca kuri ubu umurambo we uracyashakishwa mu mazi kugira ngo ukurwemo.
Birababaje pe gusa muduhaye injury ariko muzaduhe uko byarangiye
Sorry muzaduhe Indi nkuru uko byarangiye