Ababepite bo mu nteko ishingamategeko y’u Rwanda basuye Akarere ka Gatsibo mu ruzinduko rw’akazi rugamije kureba imibereho y’abaturage hanasuzumwa ishyirwa mu bikorwa ry’imishinga y’iterambere bareba n’ibikorwaremezo byegerejwe abaturage,
Depite Uwera Kayumba Marie Alice, Depite Bitunguramye Diogene na Depite Uwanyirigira Gloriose ni bo bakoreye urugendo mu Karere ka Gatsibo ku matariki 14 na 15 Werurwe.
Bari bayobowe na Depite Uwera Kayumba, aho bakiriwe n’Umuyobozi w’Akarere Gasana Richard ari kumwe nizindi nzego z’abayobozi mu Karera ka Gatsibo.
Umuyobozi w’Akarere Gasana Richard yabacyiriye ku gicamunsi cyo kuri uyu wa mbere tariki ya 14 Werurwe bakaba bagikomeje urugendo muri uku kwezi kwa Werurwe 2022.
Abadepite basuye ibikorwa byo mu Murenge wa Gasange birimo ahakorerwa umwuga wo gusudira bitewe n’umuriro w’amashanyarazi abaturage bahatuye bahawe,
Basuwe n’ibindi bice birimo ikigo nderabuzima cya Gasange, isantere y’ubucuruzi yahawe ibikorwaremezo by’umuriro n’umuhanda wa kaburimbo
Umuyobozi w’Akarere Gasana Richard yagaragarije Abadepite ishusho rusange y’akarere igaragaza ibikorwaremezo bimaze kugezwa ku baturage birimo amazi meza, amashanyarazi, ibyumba by’amashuri byubatse,imihanda n’urwibutso rwa Jenoside yakorewe abatutsi rwa Kiziguro rushyinguyemo mu cyubahiro imibiri y’abatutsi 20,109.
Depite Kayumba uyoboye itsinda ryo mu Karere ka Gatsibo n’abo bari kumwe yavuze ko urugendo rwabo rugamije kureba imibereho y’abaturage,
Ati: “Urugendo rwacu turimo gukorera mu Karere ka Gatsibo tugamije kureba imibereho y’abaturage tunasuzuma ishyirwa mu bikorwa ry’imishinga y’iterambere.”
Uru rugendo Abadepite batangiye rwo gusura uturere twose mu Gihugu, biteganyijwe ko ruzasozwa tariki ya 30 Werurwe 2022.
