Bamwe mu batuye mu Murenge wa Gatore mu Karere ka Kirehe bishimiye ko umuganda usoza ukwezi kwa Mata 2024 wabafashije gukemura ikibazo cy’umuhanda wari warangirijwe n’imvura bikabangamira ubuhahirane.
Ku rwego rw’Akarere ka Kirehe umuganda usoza ukwezi kwa Mata wabereye mu mudugudu wa Rurembo II mu Kagari ka Rwabutazi muri Gatore; umuganda witabiriwe n’ubuyobozi bw’Akarere ka Kirehe, abo mu nzego z’umutekano n’abaturage; wibanze mu bikorwa byo gutunganya ibice by’umuhanda Cyunuzi-Rwabutazi-Gahara.
Mu kuwusana, ibikorwa by’umuganda byibanze ku gusasa amabuye ahagiye hangirika mu muhanda no gusazamo urusekabuye.
Abaturage bishimiye ko hatunganyijwe uwo muhanda wari ubangamiye imigendere n’imihahiranire n’indi mirenge, bityo ko ugiye gukomeza kubafasha kugenda no kugeza umusaruro wabo ku isoko nk’uko bamwe mu baganiriye na MUHAZIYACU babisobanura.
Nizeyimana Theogene, yagize ati: “Uyu muhanda wari warangiritse ku buryo mu gihe cy’imvura byari bigoye kugera Cyunuzi ariko kubera umuganda uratunganye imbogamizi twari dufite zisa n’izikemutse.”
Uwiragiye Solange na we yagize ati: “Uyu muhanda niwo udufasha kugeza umusaruro ku rero iyo udatunganye biba bitubangamiye, kuba utunganyijwe bigiye kudufasha koroshya imihahiranire.”
Hakizamungu Adelte, Umunyamabanga Nshingwabikorwa wa Gatore yashimiye abitabiriye umuganda abasaba ko imbaraga bakoresheje bakwiye gukomeza kuzikoresha bawitaho bita kuri bawukoresha neza, bakora ibibateza imbere, aho gukora ibitari byiza birimo kuwifashisha bakora ubucuruzi butemewe (magendu cg ibyibwe).
Nyuma y’umuganda abaturage basuzumwe indwara zitandura banahabwa ubutumwa butandukanye burimo kwirinda icyasubiza igihugu inyuma, bicungira umutekano, birinda ubucuruzi bwa magendu, kwirinda amakimbirane mu ngo ari ko barushaho kwitabira no kubahiriza gahunda za Leta dufite zisa nizikemutse.
Nyuma y’umuganda abaturage basuzumwe indwara zitandura banahabwa ubutumwa bitandukanye burimo kwirinda icyasubiza igihugu inyuma, bicungira umutekano, birinda ubucuruzi bwa magendu, kwirinda amakimbirane mu ngo ariko barushaho kwitabira no kubahiriza gahunda za Leta.
