MUHAZI YACU
  • AHABANZA
  • Amakuru
  • Ishoramari
  • Ubukerarugendo
  • Ubuhinzi & Ubworozi
  • Siporo & imyidagaduro
Nta gisubizo
Reba ibisubizo byose
MUHAZI YACU
  • AHABANZA
  • Amakuru
  • Ishoramari
  • Ubukerarugendo
  • Ubuhinzi & Ubworozi
  • Siporo & imyidagaduro
MUHAZI YACU
Nta gisubizo
Reba ibisubizo byose

Gatsibo: Polisi yataye muri yombi umugabo ukekwaho ubujura no kugura ibyibano

Eric NzabahimanaYanditswe na Eric Nzabahimana
17/11/2026

Umugabo utuye mu Mudugudu wa Gahabo, Akagari ka Nyamirama, mu Murenge wa Gitoki w’Akarere ka Gatsibo, yatawe muri yombi akekwaho kwiba no kugura ibijurano, nyuma y’uko Polisi n’izindi nzego zisanze afite murugo rwe ibikoresho bitandukanye bikekwa ko byibwe abaturage.

Ifatwa ry’uyu mugabo ryabaye ku gicamunsi cyo kuri uyu wa 17 Ugushyingo 2026, aho murugo rwe hasanzwe ibikoresho bitandukanye birimo, ibyo mu gikoni, ibiryamirwa ndetse n’amatungo magufi arimo inkoko.

Umuvugizi wa Polisi y’u Rwanda mu Ntara y’Iburasirazuba, SSP Hamudun Twizeyimana, yemeje aya makuru, avuga ko uyu mugabo yafashwe nyuma y’amakuru yatanzwe n’abaturage ubwo yari agiye kugurisha inkoko ku isoko umwe mu baturage akabonamo ize.

Yagize ati: “Amakuru y’uko uyu mugabo agura ibijurano twayamenye ku bufatanye n’abaturage, ubwo uyu magabo yajyaga kugurisha inkoko ku isoko, umuturage agaragaza ko ari ize bituma uyu mugabo ahita atoroka, ariko kubera amakuru yakomeje gutangwa Polisi ifatanyije n’izindi nzego byabaye ngombwa ko tujya iwe murugo, dusangamo ibintu bitandukanye byagiye byibwa hirya no hino, abaturage bagaragaje ko ibyo bikoresho yari abitse mu nzu ari ibyabo, bigaragara ko yaguraga akanacuruza ibijurano.”

SSP Twizeyimana akomeza kuburira abantu bagira uruhare mu bujura no mu bucuruzi bw’ibintu byibwe, abasaba kubireka bagashaka imirimo ibateza imbere mu buryo bwemewe n’amategeko.

Aragira ati: “Turongera kwibutsa abafite umuco wo kwiba no gutungwa n’iby’abandi ko bakwiye kubireka kuko ari icyaha gihanwa n’amategeko, bagashaka imirimo bakora yemewe, by’umwihariko turasaba abantu kwirinda kugura ibijurano kuko kugura, kubika no guhisha ibintu byibwe na byo ari ibyaha.”

Bimwe mu bikoresho byafatiwe murugo rw’uyu mugabo birimo amasafuriya, amasahani, matera, amashuka n’amatungo magufi arimo inkoko.

Kugeza ubu, uyu mugabo yashyikirijwe Urwego rw’Igihugu rw’Ubugenzacyaha (RIB),mu gihe iperereza rigikomeje kugira ngo hamenyekane inkomoko y’ibyo bikoresho n’abandi bashobora kuba bafite uruhare muri ibyo bikorwa.

Polisi y’u Rwanda isaba abaturage kujya bagurira ahantu hazwi, bakaka inyemezabuguzi igihe baguze ibintu, naho ku bikoresho byakoreshejwe bakabanza kumenya neza no kwandika umwirondoro w’ubigurishije, bagashishoza ku bintu bigurishwa ku biciro biri hasi cyane ugereranyije n’ibisanzwe ku isoko, kuko bishobora kuba byibwe; abaturage kandi bibutswa ko igihe cyose babonye ahantu hibwe cyangwa bakeka ko hashobora kubera ubujura bakwiye kwihutira gutanga amakuru ku nzego zibishinzwe.

Sangiza iyi nkuru:

  • Tweet
  • Share on WhatsApp (Opens in new window) WhatsApp
  • Share on Telegram (Opens in new window) Telegram
  • Share on Reddit (Opens in new window) Reddit
  • Share on Tumblr
  • Email a link to a friend (Opens in new window) Email
  • Print (Opens in new window) Print
Sangiza kuri FacebookSangiza kuri XSangiza kuri Whatsapp

UMWANDITSI

Eric Nzabahimana

Eric Nzabahimana

Izo bijyanye

Menya abagore batanu batorewe kujya mu Nama Njyanama y’Akarere ka Bugesera
Abagore

Menya abagore batanu batorewe kujya mu Nama Njyanama y’Akarere ka Bugesera

17/11/2026
Nyagatare: Abagore 30% bagize Inama Njyanama barajwe ishinga no kugira umuryango ushoboye
Abagore

Nyagatare: Abagore 30% bagize Inama Njyanama barajwe ishinga no kugira umuryango ushoboye

17/11/2026
Ngoma: Abagore batowe muri Njyanama biyemeje guhangana n’inda ziterwa abangavu
Abagore

Ngoma: Abagore batowe muri Njyanama biyemeje guhangana n’inda ziterwa abangavu

17/11/2026
Kongo yabaye kidobya mu gutora umuyobozi wa OIF: Ubusesenguzi
Ububanyi n'Amahanga

Kongo yabaye kidobya mu gutora umuyobozi wa OIF: Ubusesenguzi

16/11/2026

Leave a Reply Cancel reply

Your email address will not be published. Required fields are marked *

Inkuru ikurikira
Nyagatare: Abagore 30% bagize Inama Njyanama barajwe ishinga no kugira umuryango ushoboye

Nyagatare: Abagore 30% bagize Inama Njyanama barajwe ishinga no kugira umuryango ushoboye

MUHAZI YACU

© 2025 MUHAZI YACU

ABO tURIBO

  • Abo Turibo
  • Twandikire

Dukurikire

Nta gisubizo
Reba ibisubizo byose
  • Ahabanza
  • Amakuru
  • Ubukerarugendo
  • Mu Mafoto
  • Siporo & imyidagaduro
  • Abo Turibo
  • Twandikire

© 2025 MUHAZI YACU